Хараад, хараад л суумаар хайрандаа

Хааяа яагаад гунидаг юм болоо

Сэтгэл хүртэл сэмэрч алдрахад

Сэмхэн өөртөө бодлын манан татах юм

Алдуурч тэмүүлсэн сэтгэл

Аргадаж хааяа сөгдөхөөрөө

Амраг чамдаа сэм гомдож

Ганцхан өөртөө гуниг тээх юм

Хайртай гэдэгтэй эргэлзээгүй ч

Хааяахан төрдөг гунигаа хэнд ч хэлэхгүйн үнэнд

Халамж, сэтгэл тутмагхан чамаасаа

Хагацаж салж чадахгүйн тавилантайгаа эвлэрэх үү