Зөрж өнгөрөх бүсгүй нууцхан инээмсэглэлтэй

Зүрхэнд минь үгүйлэгдэх хайрын нандин уяралтай

Алаг нүд нь дурлал бялхуулж  инээмсэглэх нь

Атаархал гижигдэж сэтгэл догдлуулна

Би ч гэсэн маргааш дурлана

Бүтэн сарыг атаархуулж болзоно

Бүсгүй сэтгэлээ догдлуулж гоёно.

Бүтэх эсхийг мэдэхгүй ч хэн нэгнийг хайрлана

Чамд очоогүй захидлын тоог нэмж

Чихэнд чинь хүрээгүй үгсийг хэлхэнэ

Чинийх биш өөр нэгнийх гэдгээ тунхаглана

Гэхдээ дахиад л чамайг дурсаж гуниглана.

2009.09.09