Нам гүмхэн үдшийн бүлээн салхи

Надад хаврын тухай түүх хүүрнэнэ

Хэдийнэ бид танилцаад удсан ч гэлээ

Хичнээн сайхныг нь мэдрээгүй явсныг сануулах мэт

Бүдэг гэрэлтэй хотын гудамж

Бүүр түүрхэн алс оддын гэрлээр дутах мэт

Цаанаа нэг л хөнгөн гунигтай хаврын шөнө

Цардмал замаар ганцаар бодол болон алхсаар

Хөлийн чимээ хааяа нэг сонсогдон алдрах

Энд тэнд танил аяс чимээгүйхэн эгшиглэх

Хөл хөдөлгөөнт хотын гудамж анир үгүй

Хавартай бас надтай хамт бодлогшроно... /2012.04.30/